سوات میں وڈیو کے خلاف مظاہرہ

سوات میں وڈیو کے خلاف مظاہرہ

سوات کی ایک رہائشی خاتون جویریہ مسعود کا مراسلہ

بات یہ ہے جناب سب اپنے غرض کے بندے ہیں ، سیاست چمکا رہے ہیں۔ اہلیان سوات کے ساتھ کسی بھی سیاستدان کی کوئی ہمدردی نہیں۔ یہ الطاف، یہ قاضی، یہ نواز یہ مولانا ڈیزل اس وقت کہاں تھے جب سوات کی آدھی آبادی ہجرت کر چکی تھی۔ جو بچےتھے وہ طالبان اور فوجیوں کے رحم و کرم پھر تھے۔ مجھے تو وہ شام نہیں بھولتی کہ بھرے بازار میں ہماری گاڑی پر ایک فوجی نے گولی چلائی میں اور میرا بچہ اس گاڑی میں موجود تھے۔ یہ بھی پوچھنے کی اجازت نہ ملی کہ کرفیو نہیں ہے تو گولی کیوں چلائی گئی۔ اب جو سوات امن معاہدہ ہوا ہے ہم نے تھوڑی سی سکون کی سانس لی ہے تو ان سیاستدانوں کےکے پیٹ میں مروڑ اٹھا ہے۔ ان کو تو بس ایشو چاہئے کہ سیاست چلتی رہے ۔۔۔۔ پشتو کہاوت ہے "اخوند کے لئے تو دودھ چاہئے چاہے کتیا کا ہو یا گدھی کا۔ویڈیو جعلی ہے یا نقلی اس سے مجھے غرض نہیں مگر اس کو منظر عام پر ایسے وقت لاگیا ہے جو کہ معنی خیز ہے فرض کریں ویڈیو جعلی بھی ہو تو کیا یہ بات بھی جھوٹ ہے کہ آئے دن بازاروں میں خواتین پر درے اور بیلٹ برسائے جا رہے ہیں جو اپنے محرم کے ساتھ بازار میں گزرتے ہیں یا کسی دکان سے پردے میں شاپنگ کرتے ہیں۔ پرسوں کیوں ایک خاتون کو رکشے سے اتار کر ماراگیا۔ صرف اسی وجہ سے کہ وہ ماں کے ہاں جا رہی تھی۔۔۔۔

مراسلے کا ربط