اصل نام محمد محمود الرشید مغل اور قلمی نام ’’م۔م۔مغل‘‘ ہے ۔صنعتِ شعری کے علاوہ افسانہ نگاری،تنقید، مصوری ، خطاطی اور اظہاریہ (کالم ) نویسی سے طبیعت کا میلان ہے ،اردو اظہاریہ کی دنیامیں’’ناطقہ‘‘ اسالیبِ سخن میں جدِ امجد میرزااسداللہ خاں غالب کی بدیہہ گوئی کے باکمال ’’اظہار‘‘ ان کے قصیدہ کے ایک معروف مصرعےسے مستعار لیا گیا ہے کائناتِ سخن کی بھول بھلیوں میں اپنے اظہار کا راستہ تلاش کرنے میں ہموار و ناہموار راستوں کا مسافر ہوں میرے بارے میں تفصیل سے جاننے کے لیے آپ ’’مجھے م۔م۔مغل کہتے ہیں ‘‘ ملاحظہ کرسکتے ہیں ۔اردو بلاگنگ (اردو اظہاریہ نویسی) کی دنیا کی طرف توجہ دلانے کیلیے میں عمار ابن ضیا، نبیل بھائی اور ابوشامل(فہد کہیر) کا ممنون و متشکر ہوں جہانزیب صاحب کا بھی شکریہ کہ میری رہنمائی فرمائی انشا اللہ آپ کی رہنمائی میں یہ سلسلہ جاری رہے گا۔والسلام
معتبر لہجے کے معروف شاعر محسن اسرا ر کا مجموعہ ِ غزلیات ’’تاثیر‘‘ منصہ شہود پر آچکا ہے، خوبصورت اور معیاری کتابوں کی اشاعت کے ادارے سرزمین پبلیکیشنز کے زیرِ اہتمام شائع ہونے والی کتاب کا سرورق معروف مصور قمر حبیب نے بنایا ہے ، تزئین و آرائش اسامہ شاہد ،کتاب میں پروفیسر سحر انصاری کا تحریر کردہ دیباچہ اور محسن اسرار کی تحریر ’’روبہ رو‘‘ اوراس کے علاوہ فلیپ پر معروف شاعر شاہد حمید کی رائے شامل ہے۔ ’’تاثیر‘‘ سے پہلے محسن اسرار کا پہلا شعر ی مجموعہ ’’ شور بھی ہے سناٹا بھی‘‘ 2007 میں منظر ِ عام پر آچکا ہے ۔محسن اسرار گزشتہ چار دہائیوں سے حرف کے تہذیبی رویے سے جڑے ہوئے ہیں،شعری اظہار عمومی و سطحی آلائشوں سے پاک ہے ، ندرتِ بیان اور روح کی گہرائی سے شعر کہتے ہیں ادب کو مشغلہ نہیں تذکیہ خیال کرتے ہیں۔شعری حلقوں میں بڑے احترام سے نام لیاجاتا ہے ، خاص طور نوجوان شعراء کی ایک بڑی تعداد ان کی مداح ہے۔
کتاب خریدنے کے لیے رابطہ کیجے
: شاہد حمید : 03456094803
---------------------------
قبول و رد کے فیصلے کی اشاعت
--------------------------
خوبصورت جذبات اور کیفیات کے شاعر جناب آفتاب مضطر کا شعری مجموعہ ” قبول و رد کے فیصلے “ ڈائیلاگ پبلی کیشنز کے زیرِ اہتمام منصہ شہود پر آچکا ہے ، ویلکم بک پورٹ، فرید پبلشرز، اردو بازار کراچی اور اشرف بک ایجنسی ،کمیٹی چوک راولپنڈی یہ کتاب حاصل کی جاسکتی ہے۔کتابت مبارک رقم تلمیذ پروین رقم ، مرتب انجم جاوید،انتساب والدین،مددکارانِ فن اور اسیرانِ گیسوئے اردو کے نام ، ۔کتاب میں مرحوم شبنم رومانی کا تحریر کردہ فلیپ ،انوربریلوی کا تحریر کردہ فلیپ، پروفیسر خیال آفاقی،سید معراج جامی،انجم جاوید، سہیل غازی پوری، حمید حنفی کی رائے اور آفتاب مضطر کا تحریر کردہ” پس وپیش گفتار “ شامل ہے ، اس سے پہلے ” سورج کے اس پار “ کے عنوان سے آفتاب مضطر کا ایک مجموعہ ہائیکو (طبع زاد اور تراجم) بھی منصہ شہود پر آکر دادِ قبولیت پاچکا ہے
۔بچھڑ رہے تو پلکوں پہ کیوں ستارے ہیں
قبول و رد کے سبھی فیصلے تمھارے ہیں
تمھاری بات پہ کیسے یقین کرلوں میں
تمھارے ساتھ بہت روز و شب گزارے ہیں
آفتاب مضطر
ہماری دعا ہے کہ آفتاب مضطر اسی طرح اپنے کام سے گیسوئے ادب سنوارتے رہیں اور دادِ سخن پاتے رہیں ۔ آفتاب مضطر سے رابطے کے لیے : 03332298110
___________________________
ادبی تنظیم :: دراک :: کی ماہانہ نشست
___________________________
ادبی تنظیم دراک کی ماہانہ نشست ہر ماہ کے آخری ہفتے کو شام 7 بجے ، میٹرو پولیس گرلز کالج ، نزد گلبرگ چورنگی منعقد کی جاتی ہے اس تنظیم کے صدر جناب رؤف نیازی صاحب اور روح رواں جناب سلمان صدیقی صاحب ہیں، اہلِ علم و قلم خواتین و حضرات کو شرکت کی دعوت دی جاتی ہے
رابطہ سلمان صدیقی
03008238391
___________________________
آزاد خیال ادبی فورم کا اجلاس
___________________________
معروف شاعر ، صحافی سرور جاوید کی تنظیم "آزاد خیال ادبی فورم کا اجلاس" ہر ماہ کے پہلے اور تیسرے منگل کو سٹی آفیسرز کلب ، کشمیر روڈ، نزد جیل چورنگی منعقد کیا جاتا ہے ، اجلاس کی کاروائی شام چھ بجے شروع ہوجاتی ہے ، شعری نششت ، مذاکرہ اور تنقید سے سجی نشست میں تشریف لانے کیلیے رابطہ کیجیے۔
م۔م۔مغل 03002553675
---------------------------------------
لیاقت علی عاصم کا چوتھا شعری مجموعہ " نشیب شہر "
معروف شاعر لیاقت علی عاصم کا تازہ شعری مجموعہ " نشیب شہر " منصہ شہود پر جلوہ افروز ہوچکا ہے ، جناب کے پہلے دو شعری مجموعے " آنگن میں سمندر" اور " رقص وصال " کے علاوہ شعری کلیاں "سبد گل " پہلے ہی قارئین کی توجہ حاصل کرچکے ہیں۔
رابطہ: ویلکم بک پورٹ
(92) (21) 431 0030
__________________________
No comments:
Post a Comment
بلاگ اسپاٹ پر فی الحال اردو کلیدی تختے کی تنصیب ممکن نہیں آپ سے التماس ہے کہ اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں بہت شکریہ، اظہاریہ نویس ۔